Փոփոխություն Virtus.pro-ի EFT: Arena-ի կազմում

Virtus.pro-ի  Escape from Tarkov: Arena-ի թիմի կազմում փոփոխություն է կատարվել՝ Արտյոմ «wTg» Մորոզովի փոխարեն թիմին է միանում Անդրեյ «Andreezy» Բավիյանը, ով նախկինում ներկայացնում էր մեր ակումբը Rainbow Six Siege դիսցիպլինայում:

Նիկոլայ Պետրոսյան, Virtus.pro-ի գլխավոր գործադիր տնօրեն.

«Մեր թիմը լավ դեբյուտ կատարեց մրցակցային Արենայում՝ զբաղեցնելով երկրորդ տեղը Հանովերում: Մրցաշարից հետո մենք վերլուծեցինք թիմի խաղը և մարզչական շտաբի հետ միասին հստակեցրեցինք ոլորտները, որոնք բարելավման կարիք ունեն:

Այժմ մենք պայմանագիր ենք կնքում Andreezy-ի հետ, ով մեր երկրպագուներին ծանոթ է R6-ի կազմում իր ելույթներով: Նոր խաղին անցում կատարելուց հետո Անդրեյը ցույց տվեց անհավանական առաջընթաց և ներկայումս զբաղեցնում է համաշխարհային վարկանիշային աղյուսակի առաջատար դիրքերից մեկը։ Նա կարող էր ուժեղացնել ցանկացած թիմ, ուստի ես չեմ կասկածում, որ նրա տրանսֆերը թույլ կտա բազմազանեցնել մեր գեյմփլեյը:

Ցանկանում եմ նաև շնորհակալություն հայտնել wTg-ին մեր հաջողություններում իր ունեցած ներդրման համար։ Նրա մրցակցային փորձը կարևոր գործոններից մեկն էր, որն օգնեց մեզ արագ ուժեղ թիմ կառուցել, բայց այժմ մեր ճանապարհները բաժանվում են: Նրան անկեղծորեն հաջողություն եմ մաղթում հետագա կարիերայում»։

Անդրեյ «Andreezy» Բավիյան, Virtus.pro-ի EFT: Arena-ի խաղացող.

«Ես շատ ուրախ եմ Virtus.pro վերադառնալու համար: Այստեղ ես անցել եմ զարգացման բավականին երկար ճանապարհ և ձեռք եմ բերել հսկայական փորձ։ R6-ից հեռանալուց հետո ես ուզում էի ինձ փորձել նոր դիսցիպլինայում: Թիմի տղաների հետ լավ սիներգիա կա, մենք կձգտենք ձեզ ուրախացնել գերազանց արդյունքներով»։