Գրոսմայստեր Անդրեյ Եսիպենկոն միանում է Virtus.pro-ին

Virtus.pro-ն հայտարարում է ռուս շախմատիստ Անդրեյ Եսիպենկոյի հետ պայմանագիր կնքելու մասին։

Անդրեյ Եսիպենկոն 23-ամյա գրոսմայստեր է, իր սերնդի ամենահաջողակ շախմատիստներից մեկը։ Անդրեյը գրոսմայստերի կարգավիճակ է ստացել 16 տարեկանում։ Նա հայտնի է իր բազմակողմանի ոճով և մրցաշարերին ուժեղ պատրաստվածությամբ։

Նիկոլայ Պետրոսյան, Virtus.pro-ի գլխավոր գործադիր տնօրեն.

«Շախմատը հարուստ պատմություն և թվային միջավայրում հսկայական ներուժ ունեցող դիսցիպլինա է։ Անդրեյը աշխարհի ամենաուժեղ երիտասարդ գրոսմայստերներից մեկն է, և մենք ուրախ ենք նրա հետ համագործակցելու հնարավորություն ունենալու համար։ Մենք կասկած չունենք, որ նա կկարողանա հաղթահարել EWC-ի որակավորման փուլը, իսկ մրցաշարի արդյունքների հիման վրա մենք կկարողանանք որոշել այս դիսցիպլինայի զարգացման հետագա վեկտորը մեր ակումբի համար»։

Անդրեյ Եսիպենկո.

«Շախմատը մոտենում է կիբերսպորտին, ինչի համար ես իսկապես ուրախ եմ։ Որպես CS-ի և EA FC ֆուտսիմների սերիայի վաղեմի սիրահար, տեսնում եմ, որ մենք շատ ընդհանրություններ ունենք կիբերսպորտսմենների հետ։ Virtus.pro-ն մեծ պատմություն ունեցող ակումբ է և ինձ համար պատիվ է լինել նրա մի մասը»։

Նրա համար առաջիկա մրցաշարը կլինի Chess.com Classic-ը, որը մեկնարկում է մայիսի 18-ին: Այս իվենթին կխաղարկվեն CCT միավորներ, որոնք անհրաժեշտ են Esports World Cup 2025-ին որակավորվելու համար: Անդրեյը ներկայումս 30 միավորով Championship Chess Tour-ի ընդհանուր աղյուսակում զբաղեցնում է 7-8-րդ տեղը: