Play. Win. Give․ Ձեզ հետ միասին մենք օգնեցինք 14 ընտանիքի Հայաստանում

Երեխաների միջազգային օրը՝ հունիսի 1-ին, Virtus.pro-ն VIVA հիմնադրամի հետ համատեղ մեկնարկեց «Play. Win. Give.» բարեգործական նախաձեռնությունը, որպեսզի Հայաստանում 10 ընտանիքի տներում արևային ջրատաքացուցիչներ տեղադրել։

Մենք հույսը դրեցինք ձեր աջակցության վրա, և դուք գերազանցեցիք բոլոր սպասելիքները։ Մեր երկրպագուների ակտիվության շնորհիվ նպատակին ոչ միայն հասաք, այլև նաև գերազանցեցինք։ Մենք հավաքեցինք 3,970,000 ֏ ($10,350), ինչը թույլ տվեց մեզ 14 ընտանիքի համար օգնություն կազմակերպել։ Այժմ նրանք ամբողջ տարվա ընթացքում կապահովվեն տաք ջրով, ինչը նրանց կյանքը կդարձնի շատ ավելի հարմարավետ։

Սարքավորումները տեղադրելուց հետո մենք անձամբ եկանք այցելելու ընտանիքներին, խոսելու և լսելու նրանց պատմությունները։ Մենք նվերներ բերեցինք երեխաների համար՝ քաղցրավենիք և դպրոցական պարագաներ, որպեսզի ուսումնական տարվա սկիզբը նրանց համար ավելի ուրախ լինի։

Յուրաքանչյուր խաղացած խաղ, լայք, մեկնաբանություն, ռեպոստ և #VIVA հեշթեգը անգնահատելի ներդրում ունեցան մարդկանց կյանքում։ Սրանք պարզապես թվեր չեն. դրանց հետևում կանգնած են կոնկրետ ընտանիքներ, որոնց կյանքը դարձել է ավելի հարմարավետ և տաք։

Շնորհակալություն ենք հայտնում այս նախագծում մեզ հետ լինելու համար։ Միասին մենք ապացուցել ենք, որ թիմի աջակցությունը կարող է փոխել մարդկանց կյանքը, և սա միայն սկիզբն է։ Եթե ցանկանում եք աջակցել հիմնադրամի աշխատանքին և օգնել կարիքավորներին, ապա անհրաժեշտ ողջ տեղեկատվությունը կգտնեք VIVA հիմնադրամի կայքում։